Galeri Digjitale e letërsisë shqipe shndërruar në audiolibra

RRETH ME ZÀ

Libra ME ZÀ është një galeri digjitale që kthen veprat shqipe në audiolibra, duke ofruar një mënyrë të re dhe të lehtë për të shijuar librat. Synimi i saj është krijimi i një formati alternativ që e bën letërsinë më të qasshme për të gjithë. Gjithashtu, platforma është krijuar për të ruajtur dhe promovuar trashëgiminë kulturore.

Me një qasje gjithëpërfshirëse, platforma synon të jetë e thjeshtë për t’u përdorur nga të gjithë, ndërkohë që ka edhe një fokus të veçantë te edukimi, nxitja e kulturës lexuese dhe ofron mundësinë të përdoret edhe në shkolla dhe institucione të tjera arsimore.

Përmes audiolibrave, “Libra ME ZÀ” mbështet arsimin, lehtëson qasjen në njohuri dhe ndihmon në përhapjen e tyre në një mënyrë të re.

Autorët

Ilire Zajmi

Ilire Zajmi (1971), shkrimtare, gazetare, studiuese. Ka doktoruar në shkencat e komunikimit në Universitetin e Sofjes. Në RTK ka punuar si kryeredaktore, redaktore, ndërsa aktualisht menaxhon Qendrën e Aftësimit Profesional. Autore e gjashtë vëllimeve me poezi, katër të botuara në gjuhën shqipe, "Këmbanat e mëngjesit”, “Baladë e bardhë”, “Valsi i mesnatës”, “Vjeshta është grua”, një në gjuhën angleze “Amnesia” dhe një në gjuhën frenge ”Ce la fin”.

Autore e romaneve “Fashitja e ëndrrave rebele”, “Era”, “Një luftë e pakryer“, librit publistik “Un treno per Blace” botuar në Itali, të përkthyer në shqip “Një tren për Bllacë” dhe në kroatisht “Vlak za Blace”, si dhe librit studimor “Pamjet televizive dhe realiteti”. Poezitë e Zajmit janë përkthyer e botuar në disa gjuhë të huaja. Ajo gjithashtu ka marrë pjesë në disa festivale ndërkombëtare të letërsisë.

Nuhi Vinca

Dr. Nuhi Vinca, i lindur në Veleshtë të Strugës (Maqedoni), është i njohur si pedagog, poet, studiues, përkthyes letrar, etj.

Si pedagog ka punuar në arsimin fillor e që nga dita e parë e hapjes së Gjimnazit të Strugës (1. IX. 1960) si profesor i parë i atij gjimnazi gjer më 21 prill 1969, kur monizmi me ideologji komuniste me ligjet despotike, ia merr të drejtën e edukimit dhe arsimimit të gjeneratave të reja, padrejtësi kjo që përsëritet edhe në vitin 1973 në Ferizaj të Kosovës. Bashkë me ndalimin apo rrëmbimin e ushtrimit të profesionit edukativo-arsimor iu rrëmbe edhe liria e udhëtimit jashtë Ish-Jugosllavisë për njëzet vjet që nga 1970 e deri më 1991 kur erdhi koha e pluralizmit politik nga Bota e Lirë e Perëndimit.

Nuhi Vinca njihet si poet i parë me vepër të botuar për të rritur nga treva dhe rrethet e Strugës me librin Dallgë Jugu, e cila konsiderohet një nga veprat e para shqipe për të rritur në Maqedoni. Deri më tash ka botuar 12 vepra me poezi për të rritur dhe për fëmijë. Disa nga këto poezi janë prezantuar nëpër antologji e të përkthyera në anglisht, maqedonisht, frengjisht, turqisht, kroatisht. Në monizmin e njohur komunist ka pasur embargo për shumë vite edhe për botim edhe për promovim për ato që qenë botuar jashtë Maqedonisë.

Audiolibrat

Kliko kopertinën

Kliko kopertinën